Балтач районы Бөрбаш авылында XIX Россиякүләм мөселман балалар Сабан туе узды

Һәр елны үткәрелүче милли бәйрәмгә Татарстан Республикасы Дәүләт Советы Рәисе вазыйфаларын башкаручы Əхмәтов Марат Готыф улы, Татарстан мөфтие Камил хәзрәт Сәмигуллин, Татарстан Республикасы яшьләр эшләре министры Кадыйров Азат Рифгат улы, Татарстан көрәш федерациясе президиумы рәисе Рөстәм Кәлимуллин, Татарстан Көрәш федерациясе башкарма директоры Марсель Шәрифҗан улы Таһиров, ТР Рәисе каршындагы Мәдәниятне үстерүгә ярдәм фонды башкарма директоры Нурия Хашимова, җырчы, Россиянең атказанган артисты Салават Фәтхетдинов һәм күпләгән татар зыялылары кайткан иде.

Республика мөселман балалар «Сабантуе» — Татарстан Республикасы Мөселманнары Диния нәзарәте инициативасы белән, Балтач муниципаль районы Башкарма комитеты һәм Татарстан Республикасы Рәисе каршындагы Мәдәниятне үстерүгә ярдәм фонды ярдәмендә балалар өчен ел саен үткәрелә торган мәдәни-агарту чарасы. Бәйрәмнең төп оештыручысы һәм рухландыручысы-Татарстанның баш казые, Балтач районы имам-мөхтәсибе Җәлил хәзрәт Фазлыев.

Сабантуй балаларның Коръәннән аятьләр һәм догалар укуы, мөнәҗәтләр, шигырьләр һәм кайткан кунакларның сәламләү сүзләре белән ачылып китте. Әлеге Сабантуйның үзенә генә хас үзенчәлеге – бәйрәмгә килгән халыкның бергәләшеп мәйдан уртасында өйлә намазы укуы. Бу вакытта барлык уеннар да тукталып торды. Быелгы бәйрәм программасына 30дан артык ярыш кертелгән.

Сабан туеның төп бизәкләренең берсе булып, әлбәттә, татарча көрәш торды. Быелгы сабан туенда 2009 нчы елда һәм 2009 елдан соң туган ир-балалар һәм егетләр 5 авырлык категориясендә бил алышты – 36 кг, 50 кг, 65 кг, 75 кг һәм 75 килограммнан югарырак.

Сабан туенда 82 көрәшче яшүсмер егет бил алышты.

Көрәшче егетләр республиканың Балтач, Саба, Арча, Кукмара, Биектау, Казан, Буа, Актаныш, Әлмәт, Яшел Үзән, Лаеш, Тукай районнарыннан тыш, Башкортостан, Киров, Чувашия өлкәреннән дә җыелган иде.

35 кг үлчәү авырлыгында:

1. Шакиров Сәлим (Балтач)
2. Нургалиев Рамзан (Әлмәт)
3. Ахмадуллин Даян (Балтач)
4. Шаповалов Данил (Башкортостан)

50 кг үлчәү авырлыгында:

1. Галимуллин Рүзәл (Балтач)
2. Паскеев Тимур (Кукмара)
3. Латыпов Юсуп (Яшел Үзән)
4. Шарипов Раян (Башкортостан)

65 кг үлчәү авырлыгында:

1. Абдрафеев Камил (Лаеш)
2. Абдрафеев Булат (Лаеш)
3. Әхмәтов Ванил (Арча)
4. Гарифуллин Фидан (Балтач)

75 кг үлчәү авырлыгында:

1. Шамсиев Ильяс (Актаныш)
2. Набиев Раяз (Балтач)
3. Гибадуллин Мөхәммәт (Балтач)

75 кг нан югарырак үлчәүдә:

1. Нәзмиев Рифнур (Балтач)
2. Сафиуллин Илшат (Нократ Аланы)
3. ЯмАлиев Фарук (Башкортостан)
4. Миннатуллин Илһам (Яшел Үзән)

Сабан туеның Баш Батыры булып Балтачтан 35 кг үлчәү авырлыгында җиңү яулаган Шакиров Сәлим калды. Җиңүчегә скутер бүләк ителде.

Хәзрәтләр арасында җиңүчеләр булып:

1. Саидмуратов Ислам (Буа)
2. Гаязов Ильмир (Тукай районы)
3. Гильманов Рушан (Саба)

Җиңүче егетләрне тәбрик итәбез.

ОМСКИДА ҮТҮЧЕ XXVI ФЕДЕРАЛЬ САБАН ТУЕНЫҢ КӨРӘШ БАТЫРЫ РАДИК СӘЛАХОВ

Омскта XXVI Федераль Сабантуй узды. Бәйрәмдә Татарстан Рәисе Рөстәм Миңнеханов, Омск өлкәсе Губернаторы Виталий Хоценко, шулай ук Россия Федерациясенең 32 төбәгеннән һәм Казахстан Республикасының дүрт өлкәсеннән татар иҗтимагый оешмалары вәкилләре катнашты.

Абсолют батыр исеменә Радик Сәләхов лаек булды. Ул – Татарстанда гына түгел, дөнья күләмендә танылган көрәшче, күпьеллык спорт рекордсмены. Радик Сәлахов бүген татар көрәше тарихында иң титуллы һәм көчле батырларның берсе.

Батырга тәкә һәм Татарстан Республикасы Рәисе бүләге – машина ачкычы тапшырылды.

Арчада СССРның спорт остасы Хәйруллин Равил Гарифулла улы истәлегенә көрәш буенча республика турниры узды

Бүген, 17 нче июль көнне, Арчаның «Казансу» ял паркы мәйданчыгында, СССРның спорт остасы, ТР көрәш федерациясенең элеккеге башкарма директоры, М.Җәлил истәлегенә уздырылучы көрәш турнирларының алыштыргысыз оештыручыларының берсе булган Равил Гарифулла улы Хәйруллин истәлегенә 2011-2012, 2013 елгы һәм аннан яшьрәк егетләр арасында милли көрәш буенча республика турниры узды.

Чарада Арча муниципаль район башлыгы Алмаз Габтерәүф улы Хисаметдинов, Арча районы имам-мөхтәсибе Әмир хәзрәт Миңнемуллин, Татарстан Көрәш федерациясе башкарма директоры Марсель Шәрифҗан улы Таһиров катнашты.

· Равил Гарифулла улы Хәйруллин 1954 елның 1 февралендә Свердловск өлкәсенең Краснотурьинск районында туа.
· 1980 елда Казан ветеринария институтын тәмамлый.
· 1980-1994 елларда — Арча районында баш зоотехник, аннары колхоз рәисе булып эшли.
· 1994-1998 елларда — администрация башлыгының беренче урынбасары, аннары Питрәч районы авыл хуҗалыгы идарәсе башлыгы.
· 1998 елда — Татарстан Республикасының Балык Бистәсе районы администрациясен җитәкли башлый. Икенче чакырылыш Татарстан Республикасы Дәүләт Советы депутаты итеп сайлана. Татарстан Республикасының атказанган авыл хуҗалыгы хезмәткәре. Грек-рим көрәше буенча СССРның спорт мастеры.
· 2010-2021 елларда — Татарстан Көрәш федерациясенең башкарма директор вазифаларын үтәде.

2011-12 нче елгы егетләр арасында:

40 кг:

1. Ахунов Самир (АСОШ 6)
2. Сафин Альмир (Балык Бистәсе)
3. Калимуллин Булат (АСОШ 6)
   3. Хайриев Адель (Казанбаш)

50 кг:

1. Файзрахманов Аяз (Ашытбаш)
2. Афанасьев Арсений (Мари Эл)
3. Минуллин Раяз (Яңа Кырлай)
   3. Гарипов Вильдан (Лесхоз)

55 кг:

1. Нурьязанов Эмиль (АГ 5)
2. Хакимуллин Нияз (АСОШ 6)
3. Фазулзянов Айзат (Түбән Мәтәскә)
   3. Ахметзянов Камил (АСОШ 2)

2013 нче елгы һәм аннан яшьрәк малайлар арасында:

26 кг:

1. Зайнетдинов Имран (Башкортстан)
2. Исламов Самат (Курса Почмак)
3. Шагиев Ризван (Наласа)
   3. Гарипов Әмир (Лаеш)

28 кг:

1. Иванов Глеб (Башкортстан)
2. Минзин Данир (АСОШ 6)
3. Шигапов Ильдан (АГ 5)
   3.Магсумов Кирилл (Урта Курса)

32 кг:

1. Васильев Илья (Яшел Үзән)
2. Шакиров Раяз (Наласа)
3. Шигапов Фидан (Наласа)
   3. Аскаров Самат (Теләче)

36 кг:

1. Сафин Әскәр (Лаеш)
2. Шаповалов Даниил (Башкортстан)
3. Нурьязанов Салават (АГ 5)
   3. Мухутдинов Фәнзил (Наласа)

40 кг:

1. Зайнетдинов Ислам (Башкортстан)
2. Валиуллин Әмир (Яшел Үзән)
3. Ахметгалиев Данияр (Яңа Кырлай)
   3. Файзрахманов Рияз (АГ 5)

45 кг:

1. Гиззатуллин Ильмаз ( Наласа)
2. Шарипов Раян (Башкортстан)
3. Смирнов Владислав (Мари Эл)
   3. Нурисламов Риназ (Курса Почмак)

50 кг:

1. Валиуллин Зиннур (Лаеш)
2. Шакирзянов Алмаз (АСОШ 7)
3. Нуруллин Ранил (Кәче)
   3. Баранов Игорь (АНОШ 3)

Җиңүчеләргә медаль, грамота һәм иганәчеләр тарафыннан әзерләнгән акчалата бүләкләр тапшырылды.

Командалар арасында урыннар:

1. Арча районы командасы
2. Башкортстан командасы
3. Балык Бистәсе командасы.

Командалар диплом һәм Кубок белән бүләкләнделәр.

«Җиңүгә омтылыш» номинациясендә бүләкләнүчеләр:

1. Сафин Ранил (Балык Бистәсе)
2. Газизов Радэль (Урта Курса)
3. Әглиуллин Әмир (Наласа).

Аларга акчалата бүләк тапшырылды.