Балтач районының Бөрбаш Сәрдегәне авылында VII мәртәбә Чишмә көне – «Нурзидә» бәйрәме булып узды

Туган якка мәхәббәт, табигатькә ихтирам хисләрен үзәккә алган бу матур чара ел саен авыл халкын һәм килгән кунакларны берләштерә.

Авыл халкын бәйрәм белән котларга Татарстан Республикасы Балтач районы Башкарма комитеты рәисе Айдар Хәйретдинов, Татарстанның баш казые Җәлил хәзрәт Фазлыев, Ислам динен кабул итүгә 1000 ел исемендәге мәдрәсә ректоры Ильяс хәзрәт Җиһаншин, Татарстан көрәш федерациясе башкарма директоры Марсель Таһиров, Бөтендөнья татар конгрессы Башкарма комитеты җитәкчесе урынбасары – Татарстандагы бүлекчәләр белән эшләү комитеты җитәкчесе Ирек Илдус улы Шәрипов һәм җәмәгать эшлеклеләре кайткан иде.

Сәламләү чыгышларыннан соң мәйданда Сабан туе уеннары (чүлмәк вату, күз бәйләп әйбер кисү, чиләк белән су ташу, стаканга су ташу, капчык киеп йөгерү, таяк тарту, әтәч куып тоту, капчык сугышы, авыш колгага менү, кул көрәше, көрәш) үткәрелде.

25 нче июль көнне, Саба районы Иләбәр авылының ял паркында махсус хәрби операция зонасында хезмәт бурычын үтәгәндә һәлак булган полиция капитаны Айсаф Галиев истәлегенә багышланган милли көрәш турниры үткәрелде

«Милләтеңнең якты кояшы син» дип исемләнгән бәйгедә Саба, Арча, Балтач, Кукмара, Теләче, Кама Тамагы районнарыннан, Казаннан килгән көрәшчеләр катнашты.

Ярыш җиңүчеләре:

60 килограммга кадәр (яшьләр)
1. Риназ Гарипов (Саба, Иләбәр)
2. Рөстәм Дәүлиев (Саба)
3. Фәндил Зиннәтуллин (Саба).
4. Рамил Игнатьев (Саба, Иске Икшермә).

70 кг.:
1. Ильяс Йосыпов (Балтач)
2. Инсаф Әхмәдуллин (Югары Симет)
3. Рамил Хәкимҗанов (Арча)
4. Илдар Гобәйдуллин (Арча).

85 кг.:
1. Динияр Моратов (Арча)
2. Булат Әхмәдуллин (Югары Симет)
3. Илнар Мулләхмәтов (Балтач)
4. Ильяс Хуҗиәхмәтов (Олыяз)

100 кг.:
1. Илшат Фазылҗанов (Арча)
2. Раил Камалов (Казан)
3. Алмаз Сәетов (Теләче)
4. Закир Әхтәмов (Кукмара).

120 кг.:
1. Делюс Закиров
2. Илшат Идиятов (Арча)
3. Алмаз Гыйләҗев (Кама Тамагы)
4. Фәнил Зиннәтуллин (Саба)

120 килограммнан югары:
1. Айзат Сәмигуллин (Өтернәс)
2. Данис Закиров (Югары Симет)
3. Дилүс Сабиров (Балтач)
4. Айдар Апанов (Балтач).

Быел беренче тапкыр эчке эшләр бүлеге хезмәткәрләре һәм ветераннары арасында аерым бәйге үткәрелде.

80 кг:
1. Радик Гафуров (Казан)
2. Дмитрий Васильев (Казан)
3. Илдар Дәүләтшин (Иләбәр)
4. Илнур Мөхәммәдиев (Казан).

80 килограммнан югары:
1. Илһам Вәлиуллин (Казан)
2. Фәнзил Нуриев (Иләбәр)
3. Азат Шәйхетдинов (Теләче)
4. Фәнил Нигьмәтҗанов (Иләбәр).

1 август көнне, Арча шәһәренең Сабантуй мәйданында «Ат көне» фестивале узачак

Быел фестивальдә икенче тапкыр татар көрәше буенча ярышлар оештырылачак. Баш батырга төп бүләк – ат бүләк итәчәкләр. Көрәш ярышлары өч категориядә узачак:

2007 елгылар һәм 2007 елгыдан олыраклар:
70 кг, 85 кг, 100 кг, 100 кг нан югарырак

2008-2009 елгылар арасында:
65 кг, 75 кг, 90 кг

2010-2012 нче елгылар:
40 кг, 45 кг, 50 кг, 55 кг, 60 кг, 65 кг, 80 кг

Малайлар һәм яшүсмерләр 12:00 — 13:30 аралыгында үлчәнеп бетәргә тиеш.
Ярыш 14:00 сәгатьтә башлана.

Олылар 15:00 — 16:30 аралыгында үлчәнеп бетә. Алар 17:00 сәгатьтә бил алыша башлаячак.

Малайлар һәм яшүсмерләр арасында Баш батырга – тәкә, олылар арасында баш батырга ат бүләк ителәчәк.

Бәйрәм 2015 елдан бирде оештырылып килә. 10 ел эчендә ул «Ат көне» ат спорты фестивале статусына ия булды. Программада мавыктыргыч ярышлар, уеннар һәм концерт номерлары көтелә. Татар атларында, чиста токымлы, ярымкатнаш токымлы атларда һәм җирле токымлы атларда 40, 80, 100 һәм 120 чакрым дистанцияләрдә ат чабышлары булачак.

Фестивальгә бөтен Россиядән – Удмуртия, Карачай-Черкесия, Кабарда-Балкария республикаларыннан, Төмәннән, Пенза, Липецк, Ульян, Оренбург өлкәләреннән, Мәскәү, Самара, Саратов, Мәскәү, Санкт-Петербург шәһәрләреннән катнашучылар җыелачак. Ел саен төрле токымлы 130 баштан артык ат катнаша.