Биектауда танылган көрәшче, РСФСР чемпионы Әнвәр Гыйләҗевка бюст-һәйкәл ачылу тантанасы узачак

3 нче июль көнне 10:00 сәгатьтә Татарстан Республикасының Биектау районы «Биектау» спорт комплексы алдында (ул.Центральная 11 А) танылган көрәшче, РСФСР чемпионы Гыйләҗев Әнвәр Әбрар улына бюст-һәйкәл ачылу тантанасы узачак.

Республиканың көрәш тарихында Әнвәр Гыйләҗев истәлегенә куелачак әлеге бюст көрәшчеләргә куелган өченче һәйкәл бюст булачак.

Исегезгә төшерәбез, икенче бюст Татарстан Республикасының милли көрәш буенча атказанган спорт остасы Раббани Гайфуллинга куелган булса, беренчесе аның 2014 нче елда шушы ук урында легендар көрәшче Данил Галиевка куелган иде.

Данил Галиев – көрәш дөньясы өчен билгеле шәхес. Данил Юныс улы 1948 елның 10 августында Биектау районының Татар Әйшәсе авылында туа. Көрәшчеләр гаиләсендә үсә. Данилның бабасы Әхмәтҗан Галиев көрәшче булган, ә әтисенең туганы Госман — Данилның беренче тренеры. Данил Галиев Татарстанның – 12, Россиянең – 8, Муса Җәлил истәлегендәге бәйгенең 6 тапкыр җиңүчесе булып танылган. Спорт өлкәсендәге зур уңышлары өчен Данил Юныс улы Галиевка үлгәннән соң “Татарстан Республикасының атказанган спорт остасы” дигән мактаулы исем бирелә.

Данил Галиев истәлегенә куелган бюст татар көрәшчесенә куелган беренче һәйкәл булып санала. Әлеге зур эшне, ул чактагы «Биектау муниципаль районы» муниципаль берәмлеге башлыгы, бүгенге көндә, Татарстан Көрәш федерациясе рәисе Рөстәм Галиулла улы Кәлимуллин инициативасы белән башкарып чыгалар.

Татарстан Республикасының Саба районы Миңгәр авылында көрәш буенча дөнья чемпионаты узды

Татарстан көрәшчеләре дөнья чемпионатында 7 алтын медаль яулады.

Көрәш буенча 2026 елгы дөнья чемпионнары:

• 60 кг үлчәү авырлыгы – Илфат Миңнегалиев (Россия, Татарстан)
• 65 кг үлчәү авырлыгы – Ильяс Йосыпов (Россия, Татарстан)
• 70 кг үлчәү авырлыгы – Артур Хәкимов (Россия, Ульяновск өлкәсе)
• 75 кг үлчәү авырлыгы – Руслан Арипов (Россия, Төмән өлкәсе)
• 80 кг үлчәү авырлыгы – Артур Зөлкәрнәев (Россия, Башкортстан)
• 85 кг үлчәү авырлыгы – Булат Москов (Россия, Татарстан)
• 90 кг үлчәү авырлыгы – Ренас Кәлимуллин (Россия, Татарстан)
• 100 кг үлчәү авырлыгы – Булат Мусин (Россия, Татарстан)
• 130 кг үлчәү авырлыгы – Радик Сәлахов (Россия, Татарстан)
• 130+ кг үлчәү авырлыгы – Муса Галләмов (Россия, Татарстан)

Татарстан көрәшчесе Илдус Камалов 70 кг үлчәү авырлыгында 3 урынга лаек булды.

Бил алышлардан соң абсолют батыр булып ил, дөньякүләм бил алышлар җиңүчесе, Радик Сәлахов калды.

Абсолют батырга яңа автомобиль ачкычы тапшырылды.

Казанда көрәш буенча дөнья беренчелеге җиңүчеләре билгеле

Казанның Бокс һәм өстәл теннисы үзәгендә көрәш буенча дөнья беренчелегендә дөньяның 32 иленнән 300 дән артык спортчы катнаша.

Спортчылар 9 үлчәү авырлыгында дөнья беренчелеге өчен көч сынашты.

Турнирның беренче көнендә Татарстан спортчылары: Закиров Аслан (Азнакай), Ильясов Инзиль (Яшел Үзән), Хәйретдинов Аяз (Балтач), Марданов Илдус (Чаллы), Низамов Илдар (Баулы), Мөхәммәтгәрәев Рамазан (Баулы) үз үлчәү авырлыкларында 1 урын яуладылар, Рәхимов Ислам исә (Биектау) 3 нче урынга лаек булды.