Сабантуйларны көтеп ятмыйбыз, көрәшәбез…

Алда Сабан туйлары. Санаулы гына көннәр калып бара. Шуңа да карамастан, бу көннәрдә келәмнәребездән утлар гына чыкмады. Малайларыбыз бөек шагыйребез Габдулла Тукайның әнисе җирләнгән төбәктә бил алышсалар, зурларыбыз исә Чутайда “диварга-дивар” системасы буенча үзә араларында иң көчле командаларны ачыкладылар.

Һәр ике авылда да ярышларыбыз менә дигән узып китте. Билгеле, Субаш авылында к]п тарихлы бәйгебезнең матур традициясе бар, бөек Тукаебызга багышлап уздырылган чараларның йомгаклау өлеше булып тора. Ә менә Чутай авылындагы ярыш 7 еллык тарихы булса да, беренче мәртәбә үз җирлегендә уздырылды. Балтачта “Хыял” яшьләр үзәгендә, “Балтач” универсаль спорт залында, Шеңшеңәр авылының “Батыр” спорткомплексларында узганнан соң, ниһаять, бәйге үз җирлегенә кайтты. Тәүге мәртәбә ачык һавада, авылның сабантуй мәйданында үткәрелде. Һәм авылның кече сабантуена әйләде дә куйды. Берүк дәвамлы гына була күрсен инде.

Бу көнне бирегә районыбызның барлык җитәкчеләре җыйналды. Матур традициябезне югалтмыйча, биредә иң булдыклы җитәкчеләребезне ГТОның төрле баскычтагы күкрәк билгеләре белән бүләкләү тантанасы да булып узды. Кыскасы, бик матур бәйге булды.

“Кызыл юл” кооперативы призларына узган бәйгебездә,кооперативның күләмле акчалата бүләкләренә, дәрәҗәле медальләренә, истәлек кубокларына “Труд”, Тимирязев исемендәге җәмгыятьләре, “Кызыл юл” кооперативы, “Татарстан” хуҗалыгы командалары лаек тбулды. Барлык бил алышырга килгән көрәшчеләрне, кунакларны хуҗалык исәбенә тәмле пылау, кайнар чәй белән сыйлауны оештырган җитәкче Фердинанд Хәйруллинга ничек итеп олы рәхмәтне җиткермисен инде. Бу урында Тукай исемендәге җәмгыять рәисе Рамил Мөхәммәтгалиевка да олы рәхмәтебезне җиткерәбез. Матур традицияләребезне югалтмыйча саклауда бу җитәкчеләребезнең хезмәте аеруча мактауга лаек дияр идем мин.

Хәзер Субашта 2006 елда һәм аннан соңгы елларда туган 91 көрәшчебез арасындагы узган ярышларыбызның җиңүчеләре белән таныштырабыз.

35 килограммга кадәр үлчәү авырлыгында-Ислам Галиев/Балтач/, Рүзәл Галимуллин/Смәел/, Эдуард Минһаҗев/Арча/, Ирек Бикбов/Чепья/.

40 кг.да-Солтан Хакназаров/Яңгул/, Рәсүл Шәйхиев/Арбор/, Ибраһим Аймасов/Бөрбаш/,Ильяс Нәбиев/Смәел/.

45 кг.да-Кәрим Гарифуллин/Норма/, Айнур Рәхимов/Чепья/, Зөфәр Галиев/Балтач/, Шамил Шәймуллин/Арча/.

50 кг.да- Фәһим Мөхәммәдиев/Смәел/, Кәрим Фазылҗанов/Норма/,Фәриз Гомәров/Нөнәгәр/, Данияр Мәннапов/Салавыч/.

55 кг.да- Алмаз Камалов/Нөнәгәр/, Мөхәммәт Гыйбадуллин , Җәлил Сәйфетдинов/икесе дә Бөрбаштан/, Фидан Гарифуллин/Түнтәр/.

60 кг.да-Ислам Бурашов/Нөнәгәр/,Нияз Шакиров/Арча/,Ислам Йосыпов/Чепья/, Рәсим Вәлиев/Нөнәгәр/.

65 кг.да- Айзат Апанов/Салавыч/, Альмир Мөхәммәтҗанов/Арча/, Айнур Гарифуллин/Куныр/, Раяз Хәбибуллин/Норма/.

70 кг.да-Кәрим Хадиев/Балтач/, Ислам Искәндәров/Арча/, Фидан Гарифуллин/Норма/,Инсаф Нәбиев/Смәел/.

75 кг.да-Ранис Зарипов/Чепья/, Аяз Хәйретдинов/Балтач/, Данил Емелин, Алмаз Шәрифуллин/и кесе дә Смәелдән/.

80 кг.да- Азат Гыйльметдинов/Смәел/, Ильмир Әхмәтханов/Карадуган/, Илназ Гарифуллин/Шеңшеңәр/.

Югары үлчәүдә-Булат Шакиров/Арча/, Рөстәм Хәбибрахманов/Яңгул/, Раушан Галиев/Смәел/, Илназ Ровнейко/Арча/.

Нурзада Сәмигуллин.Балтач бистәсе.

Котлыйбыз, Әүхәт Мөхәммәдиев!

Танылган көрәшче, соңгы елларда күп турнирларның баш хөкемдары Әүхәт Мөхәммәдиевка «Татарстан Республикасының атказанган физик культура хезмәткәре» дигән мактаулы исем бирелде. Бу хактагы карарны Татарстан Рәисе Рөстәм Миңнеханов 19 майда имзалаган.

“Татарстан Республикасы Кама Тамагы районының «Спорт мәктәбе» муниципаль бюджет учреждениесе тренеры Мөхәммәдиев Әүхәт Хәлим улына «Татарстан Республикасының атказанган физик культура хезмәткәре» дигән мактаулы исем бирергә”, – диелә карарда.

«Ватаным Татарстан»

Онытмыйбыз сине, Габделфәрт…

Яңгул иле — көрәшчеләр иле,
Илнең пәйгамбәре – Габделфәрт.
Син яшисен безнең йөрәкләрдә,
Онытылмассың мәңге, Габделфәрт!
Энҗе Закирова.
Бу мәрсияне мәрхумнең вафатына 10 ел булганда, районыбызның танылган шагыйрәсе Энҗе апа Закирова язган иде. Бу юллар безгә Габделфәртне онытмас өчен шагыйрәбезнең олы бер юлламасы-өндәмәсе кебек тоелды. Рәхмәт, Аңа! Чыннан да, гомеренең иң матур, чәчәк аткан вакытында гына Габделфәртебез фаҗигале үлем белән арабыздан китте. Үзенең тыйнаклыгы, матур көрәше белән күпләрне сокландырып килгән, халык арасында дан-шөҺрәт казанып өлгергән алып көрәшчебез, башкалар кебек дәрәҗәле исемнәр дә алырга өлгермәде. Әмма бүгенге көндә, районыбызда гына түгел, бөтен республикабызда билгеле булган көрәшчеләр династиясе булган бертуган Рәфыйковларны шушы дәрәҗәгә җиткеру өчен нигез салып калдырган олы абыйлары булып калды. Рәхмәт, онытмыйлар аны авылдашлары, энекәшләре — Илһам һәм Илдар. Тормышның нинди генә авырлыкларын кичерүгә карамастан, без бу ярышыбызны сүндермәдек, киресенчә, елдан-ел үстерә генә бардык.
Быелгы ярышыбыз да барлык йолаларга туры китереп, бар хаклыкның күңеле булып китәрлек итеп, оештыра алдык. Шуңа да, бу бәйгене оештыруга көче кергән барлык иптәшләргә, аеруча “Яңа тормыш” җәмгыяте җитәкчелегенә, Яңгул авыл җирлегенә, мәктәп коллективына, спорт оешмасы вәкилләренә олы рәхмәтебезне җиткерәбез. Бик матур, тыныч шартларда узды ярышыбыз. Районыбызның 13 мәктәбеннән җыйналган, 2011 елда һәм аннан соңгы елларда туган 61 яшь көрәшче рәхәтләнеп бил алыштылар һәм үз араларында иң көчлеләрне ачыкладылар.
Менә ул- безнең яшь батырларыбыз:
25 кг.кадәр- Муса Фәйзрахманов, Сәлим Шакиров/Икесе дә Арбордан/, Даян Әхмәдуллин/Балтач/, Даут Аймасов/Бөрбаш/. 27 кг.да-Тимур Хәбибрахманов, Камил Гыйләҗев/икесе дә Яңгулдан/, Артем Копеев, Зәмир Маннапов/иексе дә Балтачтан/.29 кг.да-Азат Галимов/Арбор/, Наил Сафиуллин/Пыжмара/, Камил Дәүләтшин/Балтач/. 32 кг.да- Гадел Хөсәенов/Яңгул/, Рүзәл Камалов, Гадел Фәләхетдинов/икесе дә Бөрбаштан/, Нурсан Сәйфелганиев/Салавыч/.35 кг.да-Билал Галимуллин/Бөрбаш/, Ислам Галиев/Балтач/, Ирек Бикбов/Чепья/, Рамзан Сәйфетдинов/Бөрбаш/. 40 кг.да- Ильяс Галиев/Яңгул/, Әнвәр САбиров/Балтач/, Ибраһим Аймасов/Бөрбаш/, Ильяс Нәбиев/Смәел/.45 кг.да-Зөфәр Галиев/Балтач/, Риннур Григорьев, Павел Маринин/икесе дә Чепьядан/, Руслан Пыхтин/Малмыж/.50 кг.да- Раил Шәрипов/Түнтәр/, Булат Низамов/Смәел/, Идрис Миннебаев/Карадуган/. 55 кг.да-/Гадел Галимбеков/Бөрбаш/, Әлфис Закиров/Пыжмара/. Югары үлчәүдә- Әсхәт Габделхәев/Балтач/, Рәсүл Гыймадиев, Ильяс Гыйльмуллин/икесе дә Бөрбаштан/.
Инде чираттагы бәйгебез, Чутайда узачак. Биредә өлкәннәребез “Диварга-дивар” системасында узачак ярышларда “Кызыл юл” җәмгыяте Кубогына бил алышачаклар. Очрашканга кадәр!

Нурзада Сәмигуллин. Балтач бистәсе.